Partitë opozitare dhe ato të pushtetit po zhvillojnë propagandë intensive edhe nëpërmjet rrjeteve sociale.
Njerëz të këtyre blloqeve politike në Kosovë vazhdimisht po publikojnë në faqe të ndryshme të Facebook-ut video me pjesë të premtimeve dhe deklaratave kontroverse të liderëve të tyre.
“Lëvizja Vetëvendosje” kishte nisur e para këtë lloj fushate duke publikuar videot e Isa Mustafës dhe zyrtarëve tjerë të LDK-së që para zgjedhjeve të fundit deklaronin se nuk do të hynin kurrë në koalicion me PDK-në, shkruan Gazeta Express.
Së fundi, në Facebook ekziston një faqe “Qytetarët në mbrojtje të Republikës së Kosovës” e cila i ka shpallur ‘luftë’ opozitës.
Faqja u ka nxjerrë në shesh edhe grindjet dhe vijat e kuqe mes vetë liderëve të Opozitës, në veçanti kundërthëniet dhe sulmet e ashpra mes Albin Kurtit të VV-së dhe Ramush Haradinajt të AAK-së. /www.gazetaexpress.com
Lufta me AAK’së dhe VV’së by GazetaExpress
12 mashtrimet e Hashim Thaçit by GazetaExpress
