Sara Hoxha është mjaft aktive në rrjetet sociale, ku ndan momente nga përditshmëria e saj.

Ajo nuk ngurron së postuari edhe foto të vajzës së saj që ka me reperin Ledri Vula, vogëlushen Poem Blu Vula.

Por, së fundi duket se vogëlushja ka pasur probleme shëndetësore. Ka qenë Sara, ajo që ka postuar një fotografi me vajzën në krahë ku shihet duke i mbajtur oksigjen.

“Nuk është më aq e frikshme”, ka qenë mbishkrimi në foton e Insta Story.

Kujtojmë se Sara ka rrëfyer më parë se shtatzënia e saj ishte shumë e dëshiruar dhe aspak e papritur.

“Shtatzënia ishte e menduar. E menduar sepse ne kishim një vit që provonim dhe nuk po ndodhte, por ndodhi në një moment që ne nuk e prisnim fare dhe na lumturoi akoma shumë fakti që ne nuk e prisnim në atë moment që ndodhi, kështu që çdo gjë ndodhë për një arsye”, ka treguar ajo.

Tregoi gjithashtu se lindja e saj ka qenë natyrale, pasi mendon se si mami dhe bebi duhet ta përjetojnë procesin e lindjes natyrale.