Edhe Haxhiu reagon për lokalet ku nuk iu shërbehet komuniteteve: E papranueshme dhe e dënueshme

PUBLIKUAR

Ministri i Administrimit të Pushtetit Lokal, Elbert Krasniqi, të dielën ka deklaruar se në disa lokale të gastronomisë në Kosovë, nuk iu shërbehet komuniteteve. Pas deklaratave të Krasniqit, ka reaguar ministrja e Drejtësisë, Albulena Haxhiu, raporton Express

Haxhiu ka shpërndarë në Facebook postimin e Krasniqit, derisa ka shkruar se refuzimi për të mos iu shërbyer komuniteteve joshumicë është i papranueshëm dhe i dënueshëm.

“Refuzimi për t’i shërbyer komuniteteve joshumicë është i papranushëm dhe i dënueshëm! Kjo nuk duhet të ndodhë askund dhe asnjëherë. Barazi dhe jo diskriminim!”, ka shkruar Haxhiu.

Ndryshe, ministri Krasniqi të dielën tha se një rast ku lokalet e gastronomisë nuk iu kanë shërbyer komuniteteve ka ndodhur së fundmi në Gjakovë.

“Është turp që ende në lokalet e gastronomisë në qytete të ndryshme të Kosovës, në forma të ndryshme refuzojnë t’i shërbejnë pjesëtarët e komuniteteve dhe bëjnë diferencime! Për një rast të tillë edhe dje me informuan aktivistë nga Gjakova. Gjakova është ndër qytetet shembull për bashkëjetesë dhe rastet e tilla nuk duhet të lejohen të ndodhin!”, shkroi Krasniqi në Facebook./GazetaExpress/

SHIKO MË SHUMË

QKUK paralajmëron rrënimin e objekteve pa leje në oborrin e saj: Hapësirat e uzurpuara me vite po u kthehen qytetarëve

Qendra Klinike Universitare e Kosovës ka paralajmëruar rrënimin e objekteve pa leje në oborrin...

Nën kërcënimin e thikës i mori 7660 euro punonjëses, aktakuzë ndaj një personi në Gjakovë

Prokuroria Themelore në Gjakovë ka ngritur aktakuzë ndaj të pandehurit me inicialet Ç.Zh. për...

Dëmet nga erërat e forta pezullojnë mësimin në gjimnazin e Ferizajt

Mësimi është pezulluar sot në Gjimnazin “Dr. Shaban Hashani” në Ferizaj, për shkak të...