Këngëtarja e re, Amantia Miku, në një bashkëbisedim me fansat e saj në Facebook, iu është përgjigjur pyetjeve të tyre.

Një prej tyre e ka pyetur se nëse do të kishte një ofertë nga një personazh i njohur ndërkombëtar, a do ta zgjidhte atë, apo do të martohej me një shqiptar.

“Po dëshiroj të jetë shqiptar, por tani fatit s’i dihet”, ishte përgjigja e saj, transmeton Telegrafi.

Këngëtarja ka treguar se ka fobi nga merimanga, ndërsa kur është pyetur nëse është në lidhje me dikë, nuk ka dhënë koment.

Amantia e ka përkufizuar Unikkatilin si ‘unik’, ndërsa rreth një dueti të mundshëm me Ledri Vulën, është shprehur: “S’i dihet”. Njësoj iu është përgjigjur edhe pyetjeve për ndonjë bashkëpunim eventual me Dafinën apo Kidën. Ajo deri më tash ka bashkëpunuar me këngëtarë, si Hekuran Krasniqi e BlackLion.

Ndryshe, 26-vjeçarja ka treguar se tashmë e ka filluar projektin e ri dhe së shpejti do të vijë diçka e re nga ajo.

Amantia ka lindur në Libi, por njëherë nuk e ka në plan ta vizitojë vendlindjen e saj kur kihet parasysh situatat atje. Ndërsa vazhdon të jetojë në Gjermani. /Telegrafi/