Manchester Unitedi është i gatshëm t’ia rrëmbejë synimin e Barcelonës, Dani Olmo.
Ylli i RB Leipzig Dani Olmo mund t’i bashkohet Manchester Unitedit në vend të Barcelonës, sipas El Nacional, raporton Gazeta Express.
23-vjeçari e nisi karrierën në akademinë e Barçës, La Masia, dhe thuhet të jetë synimi kryesor i trajnerit Xavi Hernandez në afatin kalimtar të janarit.
Raportohet se Barcelona po mendon edhe për yllin e Manchester City, Raheem Sterling, duke ia hapur derën Unitedit për Olmon.
Marrëveshja e Olmos me RB Leipzig mbaron në verën e vitit 2024./Gazeta Express/
