Aktorja dhe deputetja, Adriana Matoshi është ndër personazhet më të komentuar, e ndaj të cilave reagon në mënyra të ndryshme.

Ajo shpesh herë është përballur me komente negative, sidomos për jetën e saj private, por megjithëse i tejkalon me sportivitet, së fundmi Matoshi ka vepruar më ndryshe.

Përmes një statusi në Facebook, Adriana ka kërkuar që aty të bëhen vetëm komente negative dhe të shfryjnë gjithë mllefin tyre në të.

Foto: Adriana Matoshi/Instagram

Ndërsa, komentuesit që bën komentin më ofendues do ta shpërblejë me një kafe.

“Këtu duhet të komentojnë vetëm racistët! Villni në komente mos u kurseni, se në postet tjera që po i postoj nuk ka t’boj me komentet që po i shkruani. Komentuesit më të rëndë ja qes një kafe!”, ka shkruar deputetja nga radhët e Lëvizjes Vetëvendosje.

Ndryshe, kujtojmë që aktorja është nënë e katër fëmijëve nga martesa e kaluar, teksa aktualisht është në lidhje me futbollistin, Keith Groeneveld, marrëdhënie kjo që u komentua shumë. /Telegrafi/