Kryetari i shoqatës së malazezëve të Kosovës, Sllobodan Vujiçiq, ka deklaruar se përveç komunitetit serb do të duhej që edhe komunitetet tjera të përfshihen në hartimin e Statusit të AKS-së.

Gjatë një interviste dhënë në emisionin “Slobodno srpski”, Vujiçiq, ka thënë se për hartimin e statusit të AKS-së pret që të jetë paksa më i definuar roli i komuniteteve pakicë në kuadër të këtyre komunave të cilat do ta përbëjnë këtë Asociacion, sepse në të nuk jetojnë vetëm serbët, por edhe malazezët, romët dhe pakicat tjera, transmeton Telegrafi.

“Në atë pjesë që ka të bëjë me hartimin e statutit, komuniteti malazez duhet të ketë të drejtë pjesëmarrje, jo në kuptimin që pa ne nuk mund të bëhet assesi, por që brenda AKS-së edhe pakicat tjera të kenë mundësinë e tyre”, ka shtuar ai.

Vujiçiq, ka pranuar se formimin e AKS-së nuk e sheh si fitore apo si humbje as për Beogradin, por as edhe për Prishtinën. /Telegrafi/