Mbrëmë, ish-futbollisti, Kledi Hysa, iu dha mundësia të zgjedh njërën nga vajzat për një darkë romantike, pasi ishte zgjedhur i preferuari nga banorët për këtë javë.

Ai zgjodh këngëtaren kosovare, Beatrix Ramosaj, për të cilën kishte shprehur edhe më herët simpati si person.

Kledi i rrëfeu djemve të shtëpisë interesimin e tij për Beatrixin.

“E pëlqej, doja ta njihja pak më shumë. Do t’ia lë kohës”- është shprehur ai.

Vetë ai ka treguar pak javë më parë se ishte në një lidhje me një vajzë gjermane, ndërsa tashmë po shfaq interes për një femër tjetër pa mbyllur ende marrëdhënien e tij jashtë shtëpisë.

Nga ana tjetër edhe Beatrix është shprehur se do të donte t’i jepte Kledit mundësinë ta njihte.

Ditën e djeshme, vetë e dashura e Kledit, jashtë shtëpisë ka dhënë një intervistë në emisionin “Shqipëria Live”.

“Nuk e shoh me aq dëshirë të madhe, natyrisht, por ai është Kledi, është i dashur, më i dashur seç duhet, por nuk jam xheloze për këtë, sepse e di se si është Kledi”, kishte thënë Haula.

Prezantuesi e pyeti se si është ndjerë kur ai u përgjigj ‘No Comment’ për statusin e tij nëse është single apo në lidhje.

“Ne kemi 6 vjet bashkë. Për mua është shumë korrekte që ai nuk flet për jetën private.”