Hoxhaj: Krerët e UÇK’së nuk janë thyer në luftë e nuk do të thyhen as në Hagë!

PUBLIKUAR

Ish-kryetari në detyrë i PDK’së Enver Hoxhaj ka treguar sot për herë të parë për ndjesinë e tij kur e kuptoi se ndaj ish-presidentit Hashim Thaçi dhe ish-kryetarit të PDK’së Kadri Veseli, është ngritur aktakuzë.

Hoxhaj, përmes një shkrimi në rrjetin social Facebook, ka kujtuar sot, siç thotë ai, një vit më parë, mori lajmin më të pabesueshëm të jetës së tij.

“Në ditën e sotme, një vit më parë, mora lajmin më të pabesueshëm në jetën time. Ngritja e aktakuzës ndaj ish-Presidentit Thaçi dhe ish-kryetarit Veseli me bashkëluftetarë ishte tronditëse!”, ka shkruar Hoxhaj.

Ai, tha se shumë pak persona e ditën këtë fillimisht, derisa, kur Hashim Thaçi dhe Kadri Veseli vendosën të njoftojnë qytetarët.

“Edhe sot, ende, ata po mbahen padrejtësisht në Hagë. Besoj në pafajësinë e tyre dhe luftën e drejtë, të cilës i prinë! Krerët e UÇK-së nuk janë thyer në luftë e nuk do të thyhen as në Hagë! Në çdo betëjë kanë dalë fitimtarë dhe faqebardhë!Atë natë, shumë pak persona në PDK e morëm vesh lajmin, e mbajtëm në mirëbesim, deri në momentin kur dy miqtë e mi, Hashimi e Kadriu, e vendosën se duhet të njoftohen edhe qytetarët e Republikës, për të cilën vazhdojnë të mos e kursejnë veten! E kujtoj atë si natën më të vështirë ndonjëherë!”, shkruan Hoxhaj në Facebook.

 

 

 

SHIKO MË SHUMË

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...

Jakup Krasniqi përfundon sot vizitën në Kosovë – në ora 15:00 niset për në Hagë

Ish-kryekuvendari, Jakup Krasniqi, pritet të largohet nga Kosova, të shtunën pas vizitës katërditore për...