Mehaj bëhet së bashku me ish-ministrat e Mbrojtjes për të bërë homazhe në Koshare

PUBLIKUAR

Ministri i Mbrojtjes, Armend Mehaj, së bashku me ish-ministrat e mbrojtjes, Rrustem Berisha, Anton Quni e gjeneral Fadil Hadërgjonaj kanë bërë homazhe në në Koshare.

Mehaj tha se menjëherë pas kthimit nga Shtetet e Bashkuara të Amerikës, natyrshëm rruga i çoi për në Koshare.

“Sot, menjëherë pas kthimit nga SHBA, së bashku me ish-ministrat e mbrojtjes, z.Rrustem Berisha dhe z. Anton Quni, si dhe gjeneral Fadil Hadërgjonaj, rruga natyrshëm na dërgoi në Kosharen Legjendare, ku në Kompleksin Memorial të Betejës së Lavdishme të Koshares, bëmë homazhe në nderim të 113 Heronjëve të Kombit e Atdheut”, ka shkruar Mehaj në llogarinë e tij në Facebook.

Tutje, Mehaj tha se lufta dhe sakrifica e Ushtrisë Çlirimtare të Kosovës dhe gjithë popullit, me mbështetjen e Shteteve të Bashkuara të Amerikës, mbeten përjetësisht binomi i lirisë së vendit.

“Lavdi e përjetshme heronjëve të Brigadës së Famshme ” Agim Ramadani” dhe gjithë të rënëve për Lirinë e Atdheut”, ka shkruar Mehaj.

SHIKO MË SHUMË

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...

Jakup Krasniqi përfundon sot vizitën në Kosovë – në ora 15:00 niset për në Hagë

Ish-kryekuvendari, Jakup Krasniqi, pritet të largohet nga Kosova, të shtunën pas vizitës katërditore për...