Andrea Ranocchia pritet të jetë largimi i dytë i Interit brenda ditës së enjte.

Qendërmbrojtësi nuk ka pasur shumë paraqitje sivjet te Interi dhe besohet se ai po kërkohet nga Milani e Sampdoria.

Portali italian “Calciomercato” raporton se Ranocchia po kërkon kalimin te Sampdoria dhe se dy klubet janë shumë afër marrëveshjes definitive.

Ranocchia do të jetë përforcimi i dytë i Sampdorias nga Interi, pasi gjatë ditës skuadrës së drejtuar nga Vincenzo Montella iu bashkua mbrojtësi brazilian Dodo.

Mbrojtësi italian u kërkua edhe nga Roma, Lazio, Fiorentina dhe Sunderland. /Telegrafi/