Eksperti i çështjeve juridike në Kosovë, Kujtim Kërveshi, ka komentuar vendimin e Gjykatës Themelore në Mitrovicë, që ka shpallur fajtor Oliver Ivanoviqin – liderin e Iniciativës qytetare serbe.
“Prita të shoh ndonjë ‘#jesuiseulex’ pas vendimit për z.Ivanoviq, por më duket se drejtësia në Kosovë është ba vetëm një cak sulmi. Edhe ato pak rezultate minimizohen. Kosova akoma nuk është e gatshme të bartë gjitha përgjegjësitë në fushën e drejtësisë pa ndihmën e misionit Evropian për sundim të ligjit! Një rast maratonik, por megjithatë një satisfaksion i vogël për palët e dëmtuara!”, ka shkruar Kërvesni në profilin e tij në Facebook.
Ndryshe, Gjykata Themelore në Mitrovicë ka shpallur fajtor Oliver Ivanoviqin, duke e dënuar me nëntë vjet burg për krime lufte ndaj shqiptarëve – gjatë dhe pas luftës në Kosovë. /Telegrafi/
