Escobar viziton Ambasadën e Kosovës në SHBA: “Presim me padurim punën dhe miqësinë tonë të vazhdueshme”

PUBLIKUAR

Zv.ndihmës sekretari amerikan i Shtetit për Evropën dhe Euroazinë, Gabriel Escobar, të enjten ka qëndruar në Ambasadën e Kosovës në SHBA.

Në një shkrim në Twitter nga ambasada, thuhet se Escobarin, në takim e ka pritur ushtruesi i detyrës së ambasadorit të Kosovës në SHBA, Valdet Sadiku.

“Ushtruesi i Detyrës së ambasadorit, Valdet Sadiku, priti të enjten zëvendës-ndihmësin e Sekretarit të Shtetit, Escobar, në Ambasadën tonë. Faleminderit Escobar për vizitën dhe presim me padurim punën dhe miqësinë tonë të vazhdueshme”, thuhet në postim.

Ndryshe, nga 6 shtatori, Gabriel Escobar i cili shërbën si zëvendësambasador i Amerikës në Beograd do ta zë vendin e Mathew Palmer si i dërguar i Posaçëm i SHBA-ve për Ballkanin Perëndimor.

Gabriel Escobar mori postin si zëvendësshef i Misionit në Ambasadën Amerikane në Beograd në Gusht 2019.

Ai shërbeu si Ngarkuar me Punë para mbërritjes së Ambasadorit Godfrey.

Më parë ai ishte postuar si Ministër Këshilltar për Çështjet Ekonomike në Ambasadën Amerikane në Bagdad, ku shërbeu si Ushtrues i Detyrës së Zëvendës Shefit të Misionit për shumicën e turneut të tij./Telegrafi/

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...