Testet për Matthijs de Ligt kanë përjashtuar çdo dëmtim, por qendërmbrojtësi i Juventusit nuk është i sigurt se do të kthehet në aksion kundër Zenit St Petersburg.
Juventusi nuk ishte i sigurt për gjendjen e De Ligt, pasi ai ishte larguar nga ndeshja kundër Romës pasi u lëndua.
Por testet mjekësore nuk kanë zbuluar ndonjë lëndim serioz, teksa qendërmbrojtësi është stërvitur ndaras sot.
Tuttomercatoweb raporton, megjithatë, se mbrojtësi holandez është në dyshim për ndeshjen e Ligës së Kampionëve kundër Zenit të mërkurën.
Juventusi udhëton për në Rusi dhe është i pari në Grupin H me gjashtë pikë nga dy ndeshjet e para kundër Malmö FF dhe Chelsea.
Bianconerët kanë mbajtur dy porta të pastra dhe kanë shënuar katër gola në këtë proces. /Gazeta Express/
