Borrell fton Kurtin dhe Vuçiqin: Dialogu i lehtësuar nga BE-ja është rruga e vetme

PUBLIKUAR

Përfaqësuesi i Lartë i BE-së për politikë të Jashtme, Josep Borrell, ka ftuar kryeministrin e Kosovës Albin Kurti dhe presidentin e Serbisë, Aleksandar Vuçiq, të kthehen në situatën kur mund të vazhdojë dialogu në Bruksel.

Borell në një konferencë për media foli për situatën e fundit që u shkaktua në pikat kufitare Kosovë – Serbi, përkatësisht në Jarinjë dhe Bërnjak.

“Kemi pasur situatë të vështirë në kufirin Kosovë – Serbi. Kam folur si me Vuçiqin ashtu edhe me Kurtin. Rastet e fundit dhe marrëveshja (për targat) tregojnë se dialogu i lehtësuar nga BE-ja është rruga e vetme. Unë i ftoj të dy që të kthehen në situatën ku mund të vazhdojnë dialogun”, ka thënë Borell.

Ai së fundit u kritikua gjerësisht për deklaratën pas aksionit të Policisë së Kosovës në veri për luftim të kontrabandës, ku serbët po ashtu protestuan dhe bënë rezistencë. Ai tha se “aksionet e tilla duhet të koordinohen”, por kjo u mor si anim për Serbinë.

Qeveria e Kosovës iu përgjigj se për luftim të kontrabandës dhe zbatim të ligjit nuk pyet askënd.

SHIKO MË SHUMË

Hidhet koktej molotovi në një auto-sallon në Graçanicë, autorët largohen me motoçikletë

Një auto-sallon në Graçanicë ka qenë cak i një sulmi me koktej molotovi gjatë...

Hoti: Qeveria nuk mori masa kundër shtrenjtimit, bizneset me fatura trefish më të larta të energjisë

Deputeti nga Lidhja Demokratike e Kosovës, Avdullah Hoti, kritikon Qeverinë për mungesë të masave...

Zhduket një vajzë në Prizren

Një vajzë është zhdukur në Prizren, ka njoftuar Policia e Kosovës. Ngjarjen e raportoi në...