Bayern Munich është duke e shkatërruar plotësisht Bayer Leverkusenin, pasi rezultati i pjesës së parë të takimit të tyre në Bundesligë është 5:0 për kampionin në fuqi.

Robert Lewandowski e hapi serinë e golave për Bayernin në minutën e 4-të në BayArena, duke shënuar gol të mrekullueshëm me thembër, raporton Gazeta Express.

Sulmuesi polak e dyfishoi epërsinë e Bayernit, kur e futi topin në rrjetë nga afërsia pasi u shërbye nga Alphonso Davies në minutën e 30-të.

Thomas Muller e çoi në tri gola epërsinë e vizitorëve në minutën e 34-të, para se Sergej Gnabry ta shënonte golin e katër vetëm një minutë më vonë.

Gnabry e shënoi golin e pestë për Bayernin dhe të dytin personal në minutën e 37-të.