Nesër bëhen 34 vjet që nga vrasja e tre veprimtarëve të shquar shqiptar Jusuf Gërvalla, Kadri Zeka dhe Bardhosh Gërvalla. Zëvendëskryeministri i Kosovës, Hashim Thaçi, ka përkujtuar rënien e tyre, duke thënë se ata ishin në fazën kulmore të unifikimit të grupeve atdhetare kundër sundimit të Jugosllavisë.

“Nesër bëhen 34 vjet nga vrasja e tre veprimtarëve të shquar të çështjes kombëtare në Gjermani, Jusuf Gërvalla, Kadri Zeka dhe Bardhosh Gërvalla. Këta veprimtarë ishin në fazën kulmore të unifikimit dhe bashkërendimit të politikës së grupeve atdhetare që vepronin kundër sundimit jugosllav, si jashtë, ashtu edhe brenda Kosovës. Rënia e tyre ishte goditje e lëvizjes kombëtare të kohës, por njëkohësisht edhe rritje e vendosmërisë për breza të tërë në rrugën drejt lirisë dhe çlirimit të Kosovës”, ka shkruar Thaçi në profilin e tij në Facebook. /Telegrafi/