Një automjet ka përfunduar jashtë rrugës mëngjesin e sotëm në fshatin Prelep të Deçanit, në rrugën Pejë-Deçan-Gjakovë.

Reshjet e borës kanë shkaktuar vështirësi në komunikacion në mëngjesin e sotëm, si pasojë e kësaj një automjet ka përfunduar jashtë rrugës në Prelep të Deçanit, raporton Telegrafi.

Nuk bëhet e ditur nëse në këtë aksident ka viktima apo të lënduar, por në bazë të fotografisë nga vendi i ngjarjes, që ka siguruar Telegrafi, ky aksident do të ketë kaluar pa pasoja në njerëz.

Zëdhënësi i Policisë rajonale në Pejë, Xhevat Ibra, ka thënë se të gjita rrugët në rajonin e Dukagjinit janë të kalushme, por për shkak të borës nevojitet që shoferët të jenë të kujdesshëm gjatë vozitjes. /Telegrafi/