Boksieri Haxhi Krasniqi u tregua më i fortë se sa kundërshtari ukrainas, Oleksand Cherviak, të cilin e mposhti pas 12 raundeve, duke ia dalë që t’i fitojë dy tituj, atë të WBO International dhe WBO Continental.

Krasniqi u tregua shumë i fortë gjatë 12 raundeve, ndërsa në fund gjyqtarët vendosën që ta shpallnin fitues.

Boksieri nga Juniku tregoi se ishte shumë më i përgatitur se kundërshtari i tij, ndaj me meritë u shpall edhe fitues i kësaj përballje.

Pas këtij triumfi, Haxhi Krasniqi i ka hapur rrugë vetës që të luftojë për titullin kampion të botës.

Dueli u zhvillua në “Anhalt Arena”, të qytetit gjerman Dessau. /Telegrafi/