Të shtunën në Pejë ka nisur një aksion nga të rinjtë e PDK-së.

Ata kanë fshirë grafitin në të cilën paraqiten tre liderë politikë të vendit: kryeparlamentari Kadri Veseli, ministri i Jashtëm Hashim Thaçi, dhe kryeministri Isa Mustafa.

Grafiti ishte bërë në rrugën “Isa Dema”, ndërsa ata paraqiten me tekstin si “Inglourious Basterds”, që është titulli i filmit të realizuar në vitin 2009, në rolin kryesor me aktorin e famshëm Brad Pitt, e ku një grup ushtarësh hebrenj bëhen bashkë për hakmarrje ndaj nazistëve, përfshirë vrasjen e Adolf Hitlerit! /Telegrafi/