Emil Forsberg është bërë njëri nga sulmuesit më të kërkuar gjatë afatit kalimtar të janarit.
Suedezi ka pasur një gjysmëstinor fantastik me skaudrën e Bundesliga 2, RB Leipzig dhe ka zgjuar interesimin e skuadrave të njohura evropiane.
Mediat gjermane kanë raportuar se pas lojtarit të talentuar suedez, Forsberg janë vënë pesë ekipe evropiane.
Roma dhe Inter nga Serie A po e kërkojnë 24-vjeçarin, ndërsa në Spanjë ai po ndiqet nga Valencia.
Ndërkohë reprezentuesi suedez ka marrë dy oferta nga Anglia, ku Liverpool dhe Leicester janë duke tentuar transferimin e tij.
Forsberg që luan si sulmues krahu, ka shënuar pesë gola dhe ka shtuar po aq asistime, ndërsa vlera e tij ka arritur në 10 milionë euro. /Telegrafi/
