Aksion i sotëm i Policisë i cili rezultoi me arrestimin e disa personave të përfshirë për fajde dhe detyrim, thuhet se ka vënë në pranga personat më të afërt të Enver Sekiraqës.
Burime të sigurta të portalit Veriu.info bëjnë të ditur se në mesin e personave të arrestuar është Bujar Abdullahu, i cili ka djalë të hallës Enver Sekiraqën.
Bujar Abdullahu mësohet se e ka vëlla Ilir Abdullahun, i dyshuar për përfshirje në vrasjen e Triumf Rizës.
Portali mëson se Policia ka arrestuar edhe Naim Sekiraqën, i cili dyshohet për dhënie të fajdeve dhe të jetë pjesë e grupit ‘Sekiraqa’. Disa prej personave të tjerë të arrestuar janë familjarë të afërt të Enver Sekiraqës dhe Bujar Abdullahut.
Ndryshe, sipas Policisë së Kosovës, gjatë realizimit të këtij operacioni policor janë kontrolluar disa lokacione dhe janë arrestuar këta persona:
1) B. A. (1979)
2) Rr. S. (1971)
3) E. A. (1981)
4) A. N. ( 1983)
5) I. M. (1981)
6) N. S (1975) dhe
7) B. A. (1987)
/Veriu.info/
