Njëri ndër mediumet më të mëdha botërore, BBC, ka raportuar për protestën e opozitës kosovare në krye me Lëvizjen Vetëvendosje, Aleancën për Ardhmërinë e Kosovës dhe NISMA-n, e cila sot në rrugët e Prishtinës, pas fjalimeve të liderëve opozitarë shpërtheu në dhunë.
“Protestuesit anti-qeveritarë në Prishtinë në kryeqytetin e Kosovës, janë përplasur me policinë në tubimin masiv për të protestuar kundër marrëveshjes së lidhur me Serbinë. Protestuesit kanë hedhur kokte4j molotovi dhe gurë në drejtim të policisë. Një pjese të ndërtesës së qeverisë i është vënë zjarri, mirëpo flakët janë shuar me të shpejtë. Policia ka reaguar ndaj protestuesve me gaz lotsjellës”, shkruan BBC, transmeton Klan Kosova.
