Pas rastit tragjik i cili ndodhi sot në Ferizaj kur një pllakë mermeri goditi një kalimtare të rastit në vendin e ngjarjes dolen edhe policia,zjarrëfiksit ,inspektorët komunal dhe shumë qytetarë të rastit u pa se pos kësaj që ndodhi rreziku ekziston ende

Për faktin se ndërtuesi në çdo ballkon ka vëne pllaka graniti e të cilat janë përforcuar vetëm me ngjitës ,me kalimin e kohë ato janë shkëputur nga konstruksioni dhe pritet në çdo moment të bien.

Prandaj pritet që urgjentisht nga kompetentët të merren masa që sa më shpejt këto pllaka graniti të largohen nga ballkonet e kësaj ndërtese dhe të zëvendësohen me materiale që nuk rrezikojnë kalimtarët.

Se në çfarë gjendje janë ballkonet tjera tregojnë fotot e mëposhtme ku shihet se shumë pllaka kanë devijuar nga pozita normale dhe vetëm një shtytje e rastit e ato mund të bien poshtë, e që paraqet rrezik permanent për kalimtarët e rastit./FerizajPress/