Mbrojtësi fantastik i Përfaqësueses së Kosovës, Loret Sadiku pritet të bëhet me skuadër të re gjatë afatit kalimtar të janarit.

Prishtinasi nuk po kalon nëpër një moment të mirë me skuadrën e tij Mersin apsi ndodhen në pozitën e parafundit në tabelë.

Ai ka pasur paraqitje fantastike që dy vite me Mersinin në Superligën turke dhe kjo ka bërë që të kërkohet nga ekipet e njohura turke.

Sipas medieve turke së fundmi interesim konkret për Loret Sadikun, ka shprehur skuadra nga pozita e katërt në tabelë Kasimpasa.

Ekipi nga rrethina e Stambollit synon një pozitë që i dërgon në garat evropiane dhe e shohin reprezentuesin kosovar si një blerje të madhe për ta arritur qëllimin i cili është Evropa.

Sadiku mund t’i bashkohet Kasimpasas si huazim me detyrim blerje në fund të stinorit. /Telegrafi/