Gennaro Gattuso shpreson që ta ketë nën urdhra portierin e përfaqësueses së Kosovës, Samir Ujkani.
Kështu së paku raporton portali sportiv italian, “Tuttomercatoweb.com”, sipas të cilit trajneri i skuadrës italiane që garon në Serie B, Pisa, po e kërkon me ngulm portierin shqiptar.
Pos, Pisas për 27-vjeçarin është e interesuar edhe skuadra belge, Standard Liege, transmeton Telegrafi.
“Gattuso është në kërkim të portierit Ujkani, por më konkrete është skuadra e Latinas e drejtuar nga trajneri Mario Somma”, shkruan ueb-faqja italiane.
Ujkani ka kontratë të vlefshme deri në vitin 2018 me skuadrën e Serie A, Genoan. /Telegrafi/
