Geoffrey Kondogbia padyshim që ishte lojtari që e ndezi derbin milanez mes Milanit dhe Interit.

Mirëpo një derbi tjetër mund të jetë edhe gjatë afatit kalimtar të janarit për një tjetër futbollist.

Është mesfushori francez Giannelli Imbula i cili ishte dëshirë e madhe e Interit dhe tani po kërkohet me ngulm nga Milani.

Lojtari është në pronësi të Olimpique Marseille dhe i huazuar në Porto pasi dështoi transferimi i tij në Inter.

Tani ‘Rossonerët’, janë duke monitoruar gjendjen e tij dhe janë duke menduar të dalin me ofertë prej 15 milionë euro për ta veshur kuq e zi mesfushorin 23-vjeçar.

Në rast të transferimit të Imbulas në Milan, atëherë kjo do të ishte një përgjigje e mirë e ‘kuqezinjve’ për ‘kushërinjtë’ e Interit që ia rrëmbyen Kondogbian. /Telegrafi/