Kryetari i Komunës së Prishtinës, Shpend Ahmeti, ka theksuar se korrupsioni dhe krimi i organizuar, përveç se po na dëmtojnë si shoqëri po na dëmtojnë edhe në procesin e liberalizimit te vizave.

Ai në Facebook ka shkruar se korrupsioni e krimi i organizuar po na hanë si kancer, në shoqëri, në ekonomi, në politikë, në gjyqësi, në polici.

“Edhe pse në këto të parat shumë më me rëndësi se sa në liberalizim, megjithatë qytetarëve kjo e dyta ju dhemb më shumë sepse shumica shpëtimin po e shohin në ikje prej këtij vendi. Të bëhemi bashkë kundër korrupsionit, e krimit në këto institucione, e liberalizimi do të vjen sepse atëherë nuk do të kemi dëshirë me ik, por me zhvillu e me jetu në vendin tonë. Vetëm qytetarët e bashkuar mund ta rrëzojnë këtë kalbje të shtetit”, ka shkruar Ahmeti. /Telegrafi/