Besa Luzha, njohëse e zhvillimeve politike në vend, ka thënë se Qeveria e Kosovës, pas refuzimit të liberalizimit të vizave nga BE-ja, e ka shansin e fundit që të tërhiqet nga marrëveshja për Asociacion dhe Demarkacion.

Ajo në një prononcim për “Epokën e Re”, ka thënë se duhet të vendoset dialogu, qoftë për organizim të Qeverisë apo për organizimin e zgjedhjeve të reja parlamentare.

“Mendoj që tash edhe pas zhvillimit më të ri, refuzimin e liberalizimit të vizave, Qeveria e ka shansin e fundit të tërhiqet nga këto marrëveshje ose së paku të pajtohen për tërheqje, të vendosë një dialog për ecjen përpara qoftë me riorganizim të Qeverisë apo me pajtim që të shkohet në zgjedhje të reja”, ka deklaruar Luzha.