Një djalë i ri nga Kosova ka rrëfyer për RTK-në se kush ia mbushi mendjen të udhëtonte drejt Sirisë. Ai thotë se ishte imami nga Busavata e Kamenicës, Alejhim Maliqi.
Thuhet se hoxha nga Busavata ndodhet aktualisht përkrah ISIS-it dhe po mundohet të rekrutojë shqiptarë të tjerë të Kosovës.
“Ai m’i ka ndreqë punët, më ka thënë çka po jeton atje, hajde jeto me Sheriat këtu, ajo atje nuk është jetë”, rrëfen ai.
Hoxha nga Busavata njihet edhe për ligjëratat e tij nëpër xhami që përkrahte në mënyrë të tërthortë luftën në Siri.
