Pep Guardiola e ka kritikuar moskonvertimin e shanseve të Bayern Munichut si fajtor për humbjen nga Borussia Monchengladbachu.

Skuadra e Granit Xhakës ia shkaktoi humbjen e parë sezonale kampionit duke e mposhtur me rezultat 3-1.

“Zhvilluam një gjysmë të parë shumë të fuqishme dhe krijuam shumë raste. Fatkeqësisht, nuk mundëm të gjenim një golashënues”.

“Pas golave (të Monchengladbachut) e humbëm paksa formën tonë”, ka deklaruar spanjolli pas ndeshjes.

Lajmi i vetëm i mirë për këtë sfidë ishte rikthimi i Franck Ribery, i cili nuk ka luajtur për nëntë muaj dhe arriti të shënonte golin e nderit për Bayernin. /Telegrafi/