Rafa Benitez ka thënë se “nuk kanë pasur njohuri” se Denis Cheryshev ishte i suspenduar për ndeshjen ndaj Cadizit.

Real Madridi mund të përjashtohet nga Copa del Rey, për shkak se inkuadroi mesfushorin që ishte i suspenduar për atë ndeshje shkaku i tre kartonëve të verdhë të marrë edicionin e shkuar kur luante për Villarrealin.

“Nuk e kemi ditur që Cheryshev ishte i suspenduar. Por kur e kuptuam, për të treguar sportivitet, e zëvendësuam”, tha Benitez.

Ka reaguar edhe zyrtari i lartë i skuadrës madridlene, Butragueno, i cili ka thënë se nuk u ka ardhur kumtesa nga federata spanjolle se lojtari rus është i suspenduar. /Telegrafi/