Marrëveshja për Asociacionin e komunave me shumicë serbe dhe ajo për Demarkacionit me Malin e Zi, kanë vdekur.
Kështu thotë deputeti i AAK-së, Daut Haradinaj, i cili thotë se këto marrëveshje “nuk ka zot që i ngjallë”.
Postimi i plotë i deputetit Haradinaj:
Marrëveshjet kanë vdekur dhe s’ka zot që ato i ngjall. Por dilema është kjo: a do të shkojnë me to edhe shkaktarët e tyre!
Sulmet e shfrenuara të Qeverisë mbi Opozitën, vetëm sa e forcojnë frontin tonë në këtë kauzë.
Përjashtimi dhe burgosja e deputetëve, vetëm se po e tregon fytyrën e vërtetë të këtij pushteti, që për t’i ruajtur marrëveshjet, e ka kthyer Kuvendin në bazë policie!
Me dhunë asnjë Qeveri kurrë s’ka arritur të mbijetojë. Ky është fundi i tyre.
