Komanda e Forcave Ajrore të Rusisë, ka bërë të ditur se aeroplanët ushtarakë “Su-34”, sot për herë të parë kanë kryer fluturimet e para të armatosura me raketa ajër-ajër, duke shtuar se janë plotësisht të gatshëm për luftime më aeroplanë të armiqve, shkruan RT.

“Sot bombarduesit rusë Su-34” kanë qenë në një mision, duke bartur me vete jo vetëm bomba ‘OFAB-500’ dhe ato të dirigjuara ‘KAB-500’, por edhe raketa të shkurtra dhe të gjata ajër-ajër”, ka deklaruar zëdhënësi i forcave ajrore ruse, Igor Klimov, transmeton lajmi.net.

Sipas tij, raketat janë të pajisura me sistem të dirigjimit dhe mund të regjistrojnë momentin e goditjes së objektivave në ajër në një distancë prej 60 kilometra. (lajmi.net)