Pas fitores ndaj Palermos, Massimiliano Allegri është shprehur i kënaqur për rezultatet e Bianconerëve në javët e fundit.
Juventusi regjistroi fitoren e katërt radhazi në Serie A, ndërsa në mesjavë siguroi kualifikimin në fazën direkte të Ligës së Kampionëve.
“Ishte një paraqitje e mirë sa i përket intensitetit, sidomos pasi vinte pas një ndeshjeje të vështirë kundër Manchester Cityt”.
“Nëntori ka qenë shumë i mirë për ne dhe kemi rikuperuar disa pikë thelbësore në tabelën e Serie A”, ka deklaruar Allegri për Mediaset Premium dhe Sky Sport Italia.
Zonja e Vjetër tash është e pesta në tabelë me gjashtë pikë prapa liderit Inter që ndeshjen e kësaj xhiroje e zhvillon kundër Napolit. /Telegrafi/
