Thomas Muller është njëri nga lojtarët kryesor te Bayern Munich dhe më meritori për sukseset e Bayernit në vitet e fundit.
Sulmuesi gjerman shënoi një gol në fitoren 2-0 të Bayernit ndaj Hertha Berlinit, ndërsa drejtori sportiv, Matthias Sammer ka folur për të.
Sipas Sammer, Muller është një lojtar shumë i rëndësishëm për Bayernin dhe i pazëvendësueshëm.
“Thomas Muller është i pazëvendësueshëm dhe një model për Bayernin. Ai është një njeri me të cilin kërkojnë të evidentohen të gjithë”.
“Ai e di shumë mirë kuptimin që ka kjo fanellë dhe çfarë përfaqëson ky klub. Ai është një njeri me shumë besim në vetvete por edhe i përulur”.
“Shumë skuadra do të dëshironin ta kishin në gjirin e tyre sepse ai është një zotëri i vërtetë. Ne jemi shumë të lumtur që arritëm të zgjasnim kontratën me të”, deklaroi Sammer. /Telegrafi/
