Melisa Lleshi, njëra nga konkurentet e emisionit të dashurisë “Për’puthen” ka festuar të dielën ditëlindjen. Ajo ka mbushur 23 vjet, shkruan Express.

Me këtë rast, ajo ka organizuar edhe një ndejë, ku kanë qenë të ftuar edhe konkurrentët e tjerë të “Për’Puthen”.

Nëpër rrjete sociale janë publikuar pamje nga kjo festë, ku shihet Melisa e veshur me një fustan të shkurtër dhe flokët kaçurrella.

Gjatë gjithë mbrëmjes, ajo ka vallëzuar me Tean dhe Andin, derisa i ka argëtuar mysafirët edhe me një vallëzim belly dance.

Në këtë festë mori pjesë edhe Ana, me të cilën Melisa ishte përplasur ashpër para disa ditësh.

Por, duket se dyshja i ka rregulluar raportet mes vete, meqenëse shihen duke u puthur dhe përçafuar me njëra-tjetrën./Gazeta Express