Ylli i Barcelonës, Lionel Messi, është shprehur i lumtur që arriti të luante 90 minuta pas rikthimit prej lëndimit, që e mbajti atë jashtë gati dy muaj.
Messi startoi për herë të parë pas rikthimit nga lëndimi ndeshjen ndaj Romës në Ligën e Kampionëve dhe shënoi dy herë për fitoren e thellë prej 6 me 1.
“Ishte shumë mirë të luaja 90 minuta. Pak nga pak po ndihem më mirë. Jam i lumtur me rezultatin dhe që luajta 90 minuta”, ka thënë Messi pas takimit.
Ai ka folur edhe përse nuk gjuajti penaltinë duke ia lënë atë Neymarit, që nuk e konkretizoi.
“Neymari ishte gjuajtësi i penaltive dhe për këtë arsye e gjuajti sot”, ka shtuar argjentinasi.
Ai po ashtu ka thënë se synon të vazhdojë me këtë formë për të arritur objektivet në fund të sezonit. /Telegrafi/