Derisa rrëzimi i aeroplanit rus nga forcat turke është bërë kryelajm i medieve botërore, kryeministri i Turqisë, Ahmet Davutoglu ka deklaruar se ‘detyrë’ e Turqisë është të mbrojë territorin e saj.

Ndërkaq, presidenti rus, Vladimir Putin e ka cilësuar rrëzimin e aeroplanit si thikë në shpinë, pasi ky akt sipas tij është kryer nga bashkëpunëtorët e terroristëve, transmeton lajmi.net.
“Këtë akt nuk mund ta përshkruaj në ndonjë mënyrë tjetër. Aeroplani ynë është rrëzuar mbi territorin e Sirisë, nga raketat e aeroplanëve luftarak turk F-16. Ai është rrëzuar në territorin sirian 4 kilometra nga Turqia. Ngjarja e sotme tragjike do të ketë pasoja të rëndësishme, duke përfshirë edhe marrëdhëniet Rusi-Turqi… Në vend që të kontaktojnë menjëherë me ne, me aq sa dimë ne pala turke menjëherë është kthyer tek partnerët e tyre nga NATO për të diskutuar këtë incident, sikur ne të kishim rrëzuar aeroplanin e tyre e jo ata tonin. A dëshirojnë ata që NATO ti shërbejë ISIS-it?… Ne shpresojmë se komuniteti ndërkombëtar do të gjejë forcë të bashkohen për të luftuar kundër së keqes së përbashkët”, ka shtuar Putin. (lajmi.net)