Trajneri i Belgjikës, Marc Wilmots, ka kërkuar nga Marouane Fellaini që gjatë afatit kalimtar të janarit të largohet nga Manchester Unitedi.

Fellaini ka luajtur 499 minuta për Unitedin këtë sezon, derisa Goal raporton se klubi anglez nuk e ka ndërmend t’i fillojë bisedimet për vazhdimin e kontratës së tij që skadon në vitin 2018.

“Është e mërzitshme për një trajner që një lojtar të mos luajë me klubin e tij”, ka thënë Wilmots.

“Fellaini mund të luajë si përkrahës i sulmit, si numër 6. Ai ka teknikë të mirë, shumë i mirë që të vrapojë dhe të marrë topin”.

“Ndoshta ai do të tentojë të gjejë një sfidë të re gjatë janarit, nëse është e mundur”. /Telegrafi/