Ministrja e Tregtisë dhe Industrisë, Hykmete Bajrami, duke komentuar thyerjen e xhamave dhe veturave në MTI, ia ka bashkangjitur shkrimit të saj edhe disa foto ku shihen dëmet që janë bërë pas hedhjeve së gurëve nga protestuesit.
“Isha në Ministri dhe aty ishin shkatërruar shumica e veturave. Ishin bërë dëme edhe në objektin e Ministrisë së Tregtisë dhe Industrisë. Ne po punojmë për çdo ditë për t’i sjellë investitorët e huaj në vendin tonë. Këto pamje përveç që tmerrojnë qytetarë largojnë edhe investitorët e jashtëm. Drejtësia duhet të veprojë mbi të gjithë shkelësit e ligjit”, ka shkruar Bajrami në profilin e saj në Facebook. /Telegrafi/
