Kryetari Komunës së Lipjanit, Imri Ahmeti ishte nikoqiri i përfaqësueseve të OBK-së në Kosovë shumë ambasadorëve, diplomatëve të ndryshëm, për të shënuar 75 vjetorin e themelimit të OKB-së.
Kryetari Imri Ahmeti duke uruar për përvjetorin e themelimit të OKB-në është shprehur i lumtur që Komuna e Lipjanit është përzgjedhur për të shënuar këtë datë kaq të rëndësishme.
Kryetari Ahmeti së bashku me Koordinatoren e OKB-së në Kosovë Ulrika Richardson, Zëvendës Ambasadorin e Mbretërisë së Bashkuar me përfaqësues nga EULEX dhe organizatat UNICEF, UNHCR, UNDP, IOM, UNDSS, UNFPA, dhe musfairët të tjerë kanë mbjellur disa drunjë dekorativ në mënyrë simbolike për të shënuar këtë datë, njofton Komuna.
“Drunjtë që po na i dhuroni nuk janë vetëm drunjë simbolik, por janë edhe të domosdoshëm. Ne kemi mbjellur 1500 drunjë në qytet shkolla, ambiente tjera dhe do të vazhdojmë edhe në këtë vjeshtë ti mbjellim edhe 1400 trupa të tjerë. Po angazhohemi te sigurojmë fonde dhe mundësi për të krijuar ambient te pastër ne gjithë Komunën ton”, tha Kryetari Ahmeti.
Kryetari Imri Ahmeti po ashtu ka thënë se qëllimi jonë është të vazhdojmë të ndërtojmë një qytet dhe komunë të qëndrueshme dhe të pastër. Ky aktivitet i vogël është një hap sado pak i vogël në këtë drejtim.
Nga ana tjetër, Koordinatorja e OKB-së në Kosovë Ulrika Richardson, u shpreh e lumtur që këtë festë aq të rëndësishme sot po e feston në Komunën e Lipjanit, po ashtu ka falënderuar Kryetarin Imri Ahmeti që ka treguar një gatishmëri për të festuar së bashku.
Po ashtu fjalë rasti patën edhe zv.Ambasadori i Mbretërisë se bashkuar, Xhejkob Veber, , Përfaqësuesi i EULEX- Shon Kerins, Murat Sahin, Shef i zyrës së UNICEF si dhe përfaqësues të tjerë.
