Qëllimi kryesor i Shtetit Islamik (ISIS) është kryerja e masakrave masive në Evropë, ka thënë eksperti i shërbimit të inteligjencës së Francës, Klod Monike.
Eksperti francez, pas sulmeve terroriste në Paris, konsideron që akte të tilla do të vazhdojnë tutje.
Ai në një intervistë për radion nacionale të Austrisë (Oe1), ka thënë se qëllimi i organizatës terroriste ‘Shteti Islamik’ është kryerja e masakrave masive në Evropë, shkruan Telegraf.rs, transmeton lajmi.net
Sipas tij, mund të ketë edhe atentate tjera më të frikshme se sa ishte ai në Paris. Ish-anëtari i shërbimit të inteligjencës franceze DGSE ka thënë se ekzistojnë plane konkrete për sulme të reja.
Monike, konsideron se një vëmendje të veçantë duhet t’i jepet Brukselit, sepse ai qytet u bë në njëfarë mënyrë qendra e terroristëve, informacion i cili nuk është sekret i shërbimin të inteligjencës, transmeton lajmi.net
Ai ka kritikuar edhe integrimin politik shumëvjeçar. Të gjithë njerëzit nga Evropa, të cilët kanë luftuar në Irak dhe Siri në anën e Shtetit Islamik, dhe që kthehen në vendet e tyre, sipas Monike, duhet të jenë të dënuar shumë rëndë.
– See more at: http://lajmi.net/objektiv-i-sulmeve-te-radhes-nga-isis-mund-te-jete-brukseli/#sthash.Hp9HfdQR.dpuf
