Ministria e Zhvillimit Ekonomik dhe Banka Botërore po punojnë për të përfshirë më shumë gra në ekonominë dixhitale.
Pilot projekti WOW (Women in Online Work – Gratë në punë online) ka për qëllim rritjen e pjesëmarrjes së grave që jetojnë në zonat rurale në punë online (përmes TIK).
Piloti do të përbëhet nga aktivitete intensive për ngritjen e kapaciteteve për ta promovuar punën Online dhe do të implementohet fillimisht në dy komuna : Gjakovë & Lipjan.
Grupi i synuar do të jetë 100 femra gjithsej, 50 femra nga komuna e Gjakovës dhe 50 femra nga komuna e Lipjanit dhe gjithë programi do të zgjasë 6 muaj, Janar-Qershor 2016.
Kush mund të aplikoj?
Femrat që plotësojnë këto kushte:
– Të jenë të moshës 18-34 që jetojnë në njërën nga komunat e përzgjedhura (Gjakovë & Lipjan)
– Femrat që kanë përfunduar ose janë në proces të përfundimit të studimeve në Universitet
– Femrat që momentalisht janë të papunësuara
– Femrat që posedojnë nivel mesatar të gjuhës angleze
Pas aplikimit online, fillimisht do të ftohen për intervistë kandidatet më të përshtatshme.
Email: [email protected]
WOW Facebook group: Grate ne TIK (Women In ICT) Kosovo
