Kryetari Imri Ahmeti dhe Ministri i Infrastrukturës Arban Abrashi, gjatë ditës së sotme kanë përcjellur nga afër fillimin e punimeve në rrugën transit nga lagjja e Konjuhit deri te rruga Lipjan-Janjevë, njofton Komuna.
Me këtë rast Kryetari Imri Ahmeti, tha se sot po fillojmë me ndërtimin e rrugës siç e quajmë ne, rruga transit e cila lidhe dy lagje lagjen e Akllapit dhe lagjen e Konjuhit e që shkon deri tek rruga regjionale Lipjan –Janjevë.
“ Kjo rrugë e rëndësishme për qytetin është e gjatë mbi 1500 metra dhe është financim nga Ministria e Infrastrukturës, andaj falënderoj ministrin Abrashi që sot është me ne dhe e ka mbështet ketë projekt jashtëzakonisht të madh dhe te nevojshëm për qytetaret e Lipjanit”, është shprehur kryetari Ahmeti, duke thënë se me ndërtimin e kësaj rruge do të shkarkohet edhe qyteti nga trafiku.
Nga ana tjetër ministri Abrashi, tha se Lipjani po shndërrohet në një qytet i cili do të jete nyje për qytetare, për mallra e biznese sepse edhe pozicionin e ka të tillë, prandaj ne po investojmë aq sa mundemi sa na lejojnë kapacitete tona financiare në mënyrë që Lipjanin ta bëjmë një qytet model për Kosovën dhe Evropën.
“Sot po fillojmë një projekt i cili ka rendësi shumë të madhe edhe për këta qytetarë që preken direkt por edhe për Lipjanin sepse po krijohet një unazë e brendshme e qytetit dhe e mira e saj që po fillojmë me një standard të ri ku kjo rruge do të ketë shteg të çiklizmit dhe do te vazhdojmë edhe në rrugët tjera në mënyre që të jetë edhe si frymëzim për komunat e tjera që secila rruge e re të ketë shtegun e çiklizmit”, tha ndër të tjera ministri Abrashi.
Ky projekt do të kushtoj mbi 350 mijë euro dhe pritet të përfundoj vitin e ardhshëm.
