Kryetari i Komunës Imri Ahmeti, gjatë ditës së sotme ka përcjellur nga afër fillimin e punimeve për asfaltimin e rrugës Llugë – Radevë.
Në këtë rast, Kryetari Ahmeti ka theksuar se me realizimin e këtij projekti do të lidhet komuna e Lipjanit me komunën e Graqanicës dhe përveç që do të lehtësohet qarkullimi i qyetarëve do të shkurtohet rruga për banorët e këtij regjioni për disa kilometra, njofton Komuna
“Kjo rrugë që po fillon sot është një rrugë jashtëzakonisht e kërkueshme dhe e rëndësishme për qarkullimin e qytetarëve në këtë regjion” tha kryetari Ahmeti.
Ai po ashtu ka uruar banorët për realizimin e këtij projekti i cili sipas planit dinamik do të përfundoj në vjeshtën e vitit të ardhshëm.
Rruga është e gjatë rreth 3500m ndërsa e gjërë 5m dhe asfaltimi i saj kushton rreth 200 mijë euro. Projektin dhe kontraktimin e ka bërë komuna e Lipjanit ndërsa financohet nga Ministria e Infrastruktures.
Banorët e këtij regjioni këtë projekte e kanë cilësuar si shumë të rëndësishme dhe sipas tyre do të përmirësojë kushtet e jetesës në këtë vendbanim. Ata janë shprehur falenderues ndaj Kryetarit Ahmeti për realizimin e këtij projekti që do të ndikoj dukshëm në përmirësim e qarkullimit në mes këtyre vendëbanimeve.
