As ylli i Paris Saint-Germain, Neymar, e as mbrojtës i Marseille, Alvaro Gonzalez, nuk do të përballen me ndëshkime për komentet e dyshuara raciste gjatë një ndeshjeje mes tyre në Ligue 1 më 13 shtator.
Neymari ishte përjashtuar nga ndeshja me karton të kuq në Parc des Princes, për shkak se e kishte qëlluar pas koke Alvaron, transmeton Gazeta Express.
Pas ndeshjes, braziliani e akuzoi spanjollin se kishte përdorur gjuhë raciste kundër tij.
Por më vonë edhe Neymari u përball me akuza për racizëm ndaj një futbollisti tjetër të Marseille, Hiroki Sakai.
Neymari është ankuar ndaj pezullimit me dy ndeshje për kartonin e kuq, ndërsa Alvaro i ka shpëtuar pezullimit.
Në një komunikatë, Komisioni Disiplinor i Ligës së Futbollit Profesionist në Francë theksoi se nuk ka pasur prova të mjaftueshme për t’i mbështetur akuzat./
