Kryetari i Komunës së Lipjanit, Imri Ahmeti me bashkëpunëtorët e tij, sot ka pritur Elizabeth Gowing, përfaqësuese e organizatës The Ideas Partnership së bashku me koordinatoren e qendrës në Janjevë Majlinda Krasniqi, njofton Komuna.
Gjatë këtij takimi është diskutuar rreth aktiviteteve të qendrës së The Ideas Partnership, dhe të mirat që ofron kjo qendër për qytetarët dhe fëmijët në Janjevë si dhe për fillimin e projektit “Education for all”, që ka qëllim ngritjen e kapaciteteve të mësimdhënësve në edukimin gjithëpërfshirës dhe i cili do të implementohet në sh.f.m.u “Shtjefën Gjeçovi”, në Janjevë dhe do të zgjasë dy vite.
Ky projekt financohet nga Bashkimi Evropian / Instrumenti Evropian për Demokraci dhe të Drejta të Njeriut (EU EIDHR)
Kryetari Imri Ahmeti, ka theksuar projektet e tilla janë mirëseardhura për qytetarët e Lipjanit dhe se çdo projekt që do të ketë për qëllim ngritjen e kapaciteteve në edukimin gjithëpërfshirës do t’ju ofroj mbështetje institucionale.
