Mesut Ozil është futbollisti i parë në histori të Ligës Premier që krijon gola në gjashtë ndeshje radhazi.

Mesfushori gjerman asistoi në golin e barazimit kundër Tottenhamit, të cilin e shënoi Kieran Gibbs.

Në këtë mënyrë, ai vuri një rekord të ri në elitën e futbollit anglez për numrin e asistimeve në gjashtë ndeshje radhazi.

Arsenali luajti baras kundër Spursave në derbin lokal duke dështuar ta merrte primatin në Ligën Premier.

Kjo ishte ndalesa e parë pas disa fitoreve radhazi në kampionat, ndërsa aktualisht Topçinjtë kanë pikë të barabarta me liderin Manchester City. /Telegrafi/