Kryetari i Komunës Imri Ahmeti me bashkëpunëtorët e tij sot ka vizituar shkollën e mesme profesionale “Adem Gllavica”, në Lipjan, shkollë kjo e cila është renovuar në tërsi me financim nga Departamenti i Ushtrisë Amerikane në Evropë. Kryetari Imri Ahmeti, ka falënderuar donatorët për këtë investim shumë të nevojshëm, po ashtu ka uruar nxënësit dhe personalin arsimor për fillimin e vitit të ri shkollor, duke ju dëshiruar shëndet në këto rrethana jo të zakonshme të përballjes me pandeminë Covid-19, njofton Komuna.

Njëherit kryetari Ahmeti ka kërkuar nga nxënësit kujdes më të shtuar në ruajtën e këtyre hapësirave moderne. Renovimi i tërësishëm i SH.M.P “Adem Gllavica”, ka kushtuar rreth 1 milion euro dhe është investimi më i madh në renovimin e shkollave në regjion.